Idadi ya waliopoteza maisha katika maporomoko DRC yaongezeka

Ripoti zinaonyesha kuwa kuna uwezekano kuwa idadi ya watu waliopoteza maisha katika maporomoko ya ardhi nchini DRC imeongezeka mpaka  200 na zaidi.

Maporomoko hayo yalisababishwa na mvua kali kunyesha kaskazini mashariki mwa Jamhuri ya Demokrasia ya Congo.

Kwa mujibu wa habari,walioathirika sana ni wale waliokuwa wakiishi maeneo karibu na ziwa Albert.

Maafisa wa serikali walielezea kwamba  utafutaji na uokoaji wa watu waliokuwa wamenaswa ulifanyika kwa ugumu sana.

Wengi waliopoteza maisha ni wale waliofunikwa katika maporomoko hayo.