Chelsea kuvunja rekodi kwa kumsajili beki huyu

Kyle Walker amesajiliwa kwa £54m kwenda Manchester  City usajili ambao umeweka rekodi ya beki ghali zaidi kuwahi kusajiliwa katika ligi kuu nchini Uingereza.

Lakini klabu ya Chelsea wanataka kuvunja rekodi hiyo kwani wanataka kutuma ofa katika klabu ya Juventus kwa ajili ya kumnunua mlinzi Alex Sandro ofa ambayo ni kubwa kuliko ya Walker.

Inasemekana Chelsea wameandaa kiasi cha £61m kwa ajili ya Sandro ambaye amekuwa akihitajika katika klabu hiyo kwa muda toka Conte ajiunge na Chelsea.

Lakini usajili wa Sandro kwenda Chelsea unaonekana mgumu kwani hadi sasa Juve wameshampoteza Bonucci na Alves hivyo inakuwa ngumu kwao kuruhusu kumpoteza mlinzi mwingine.

Wakati huo huo kocha huyo wa Chelsea Antonio Conte ameamua kuongeza idadi ya wachezaji wa Kiingereza katika timu yake kutokana na uhaba wa wachezaji hao katika timu yake.

Kwa kuanza Conte amepanga kumnunua Ross Barkley kutoka Everton na Oxlade Chamberlain kutoka Arsenal ili kuongeza idadi ya wachezaji wa Uingereza ndani ya klabu hiyo.

Hadi sasa Chelsea wameshamsajili Timoue Bakayoko,Alvaro Morata na Rudiger lakini bado Conte anaona kuna uhitaji wa wachezaji wengine katika kikosi chake hicho.